ປ່ອງບໍລິການອອນລາຍນີ້ ໄດ້ສ້າງຂື້ນເພື່ອຈຸດປະສົງ ເປັນບ່ອນພົວພັນລະຫວ່າງປະຊາຊົນທົ່ວໄປ ກັບກະຊວງພາຍໃນ. ປະຊາຊົນທົ່ວໄປ ສາມາດນໍາໃຊ້ ປ່ອງນີ້ ເພື່ອເຂົ້າເຖິງການບໍລິການ ດ້ວຍຕົນເອງ ເພື່ອການແຈ້ງຂໍ້ມູນ, ສົ່ງການຄໍາຮ້ອງ, ຊໍາລະຄ່າບໍລິການ ຫລື ຕິດຕໍ່ພົວພັນກັບກະຊວງພາຍໃນ ສໍາລັບວຽກງານຕ່າງໆ ທີ່ພົວພັນການຂໍ້ມູນ ແລະ ເອກະສານທີ່ກ່ຽວກັບເຫດການຊິວິດຕ່າງໆ.
ປ່ອງບໍລິການອອນລາຍນີ້ ບໍ່ໄດ້ມີຈຸດປະສົງສໍາລັບການເຂົ້າເຖີງຂໍ້ມູນ ສ່ວນບຸກຄົນ ແຕ່ເປັນບ່ອນ ທີ່ສົ່ງແບບຟອມອອນໄລນ໌ໄປຫາ ລະບົບ ລົງທະບຽນພົນລະເມືອງ ແລະ ສະຖິຕິ ຂອງກະຊວງພາຍໃນ (eCRVS) ເຊິ່ງ ພະນັກງານທີ່ກ່ຽວຂ້ອງ ຈະອາໃສຂໍ້ມູນເຫລົ່ານັ້ນ ເພື່ອດໍາເນີນການໃຫ້ບໍລິການດັ່ງກ່າວຕາມຄວາມເຫມາະສົມ. ເວົ້າອີກແນວນນຶ່ງ ປ່ອງບໍລິການອອນລາຍນີ້ໃນຄວາມເປັນຈິງ ແມ່ນເປັນຊ່ອງທາງການສື່ສານອອນໄລນ໌ ລະຫວ່າງປະຊາຊົນທົ່ວໄປ ກັບກະຊວງພາຍໃນ ຫລື ກັບ ລະບົບ ລົງທະບຽນພົນລະເມືອງ ແລະ ສະຖິຕິ.
ໃນປັດຈຸບັນ ປ່ອງບໍລິການອອນລາຍ ແລະ ລະບົບ ລົງທະບຽນພົນລະເມືອງ ແລະ ສະຖິຕິ ໄດ້ຖືກອອກແບບເພື່ອຮັບໃຊ້ສໍາລັບກິດຈະກໍາ ທີ່ພົວພັນເຖິງເຫດການຊິວິດ ທີ່ສໍາຄັນ, ເຊັ່ນ: ການລົງທະບຽນການເກີດ, ສົ່ງຄໍາຮ້ອງຂໍໃບຢັ້ງຢືນການເກີດ, ການລົງທະບຽນການແຕ່ງງານ, ສົ່ງຄໍາຮ້ອງໃບຢັ້ງຢືນການແຕ່ງງານ, ການລົງທະບຽນການຢ່າຮ້າງ, ສົ່ງຄໍາຮ້ອງຂໍໃບຢັ້ງຢືນການຢ່າຮ້າງ, ການລົງທະບຽນການປ່ຽນແປງສັນຊາດ, ການແຈ້ງການເສຍຊີວິດ, ການລົງທະບຽນ ຫລື ແຈ້ງທີ່ພັກອາໃສ, ລົງທະບຽນຂໍປຶ້ມສໍາມະໂນຄົວ, ຂໍບັດປະຈໍາຕົວ, ລົງທະບຽນທີ່ຢູ່ຊົ່ວຄາວ, ລົງທະບຽນເປັນຜູ້ປົກຄອງ, ລົງທະບຽນເອົາລູກບຸນທໍາ, ແຈ້ງບຸກຄົນຫາຍສາບສູນ ດັ່ງນີ້ເປັນຕົ້ນ.
ລາຍລະອຽດ ຂັ້ນຕອນໃນການປະຕິບັດ ໃນການລົງທະບຽນ, ແຈ້ງຂໍ້ມູນ ຫລື ສົ່ງຄໍາຮ້ອງ ໃຫ້ທ່ານເລືອກ ໂດຍການຄິກເຂົ້າໄປເບິ່ງໃນຕົວຫົວຂໍ້ໃນແຕ່ລະຫົວຂໍ້ ຕາມລາຍການທີ່ສະແດງໃນເບື້ອງຂວາຂອງຫນ້າຈໍນີ້.